Xudo g`azabiga to`la etti kosa . Yuhannoga Xudo yuborgan Vahiy 16 - bob HD

Vahiy 16 - Bob Xudo g`azabiga to`la yetti kosa 1 - oyat - Bundan keyin ma´baddan yetti farishtaga: “Boringlar, Xudoning g`azabi bilan to`lib-toshgan yetti kosani yerga to`kinglar”, ― degan baland bir ovoz eshitdim. 2 - oyat - Birinchi farishta borib kosasini yerga to`kdi. O`zida hayvonning tamg`asi bo`lgan va uning tasviriga sajda qilayotgan odamlarda og`ir, jirkanch yiringli yaralar paydo bo`ldi. 3 - oyat - Ikkinchi farishta kosasini dengizga to`kdi. Dengiz o`likning qoniga o`xshash bir tus oldi va ichidagi butun jonivorlar o`ldi. 4 - oyat - Uchinchi farishta kosasini daryolarga va buloqlarga to`kdi, bular ham qonga aylanib ketdi. 5 - oyat - Suvlar farishtasining shunday deganini eshitdim: “Yo Rabbiy, Sen barhaqsan, Hozir bor, azaldan boru muqaddassan. Sening hukming ― odil hukm. 6 - oyat - Aziz-muqaddaslar va payg`ambarlar qonini to`kkanlarga Sen qon ichirding, ular bunga loyiqdir”. 7 - oyat - Qurbongoh ham tilga kirib, shunday deganini eshitdim: “Ha, Rabbiy, Tangri Taolo, Har narsaga qodir Sarvari koinot! Sening hukmlaring odil va haqqoniydir”. 8 - oyat - To`rtinchi farishta o`z kosasini quyosh ustiga to`kdi, quyoshga insonlarni o`tday yondirish qudrati berildi. 9 - oyat - Jazirama issiq insonlarni qizdirganda, ular bu ofatlarga hukmi o`tadigan Xudo sha´niga hamdu sanolar emas, haqoratlar yog`dirdilar, qilmishlaridan tavba qilmadilar. 10 - oyat - Beshinchi farishta kosasini hayvon taxtiga to`kib yubordi, hayvonning saltanati zimistonga chulg`anib qoldi. Odamlar azobdan tillarini tishladi. 11 - oyat - Azob va yara-jarohatlaridan nolib, osmondagi Xudoni haqorat qildilar-u, qilmishlaridan tavba qilmadilar. 12 - oyat - Oltinchi farishta kosasini buyuk Frot daryosi ustiga to`kdi. Kunchiqardan keladigan shohlarga yo`l ochilsin deb, daryoning suvi quridi. 13 - oyat - Bundan keyin ajdaho, hayvon va soxta payg`ambarning og`izlaridan chiqayotgan qurbaqanamo uchta yovuz ruhni ko`rdim. 14 - oyat - Bular ajoyibot yaratadigan jinlarning ruhidir. Ular har narsaga qodir Xudoning ulug` kunida bo`ladigan jangga barcha jahon shohlarini to`plash uchun chiqadilar. 15 - oyat - “Mana, Men o`g`ri kabi kelyapman! Baxtlidir hushyor tortgan kishi, Yalang`och yurmayin, aybim ko`rinmasin deb Kiyimini saqlab turgan kishi!” 16 - oyat - Ruhlar shohlarni yahudiy tilida Hor-Magido`n deyilgan joyga to`pladilar. 17 - oyat - Yettinchi farishta kosasini havoga to`kdi. Samoviy ma´baddagi taxtdan: “Amalga oshdi!” ― degan baland bir ovoz chiqdi. 18 - oyat - Shu vaqt yashinlar chaqnab, ovozlar yangrab, momaqaldiroq guldiradi. Shunday kuchli zilzila bo`ldiki, yer yuzida inson yashagandan beri bu qadar kuchli zilzila yuz bermagan edi. 19 - oyat - Ulug` shahar uch bo`lakka bo`linib ketdi. Majusiylar shaharlari yer bilan yakson bo`ldi. Xudoning qaynoq qahr-g`azab sharobi bilan to`lgan kosa unga berilsin deb,