Arshi A`lo . Yuhannoga Xudo yuborgan Vahiy 4 - bob HD

Vahiy 4 - Bob Arshi A´lo 1 - oyat ; -- Shundan keyin bir qaragan edim, osmonda lang ochiq bir eshikni ko`rdim. Ilgari men bilan gaplashgan karnay sadosiga o`xshash o`sha ovoz yana eshitildi: “Bu yoqqa chiq, bundan keyin nima yuz berishini senga ko`rsataman”. 2 - oyat ; -- Shu payt men Ilohiy Ruhning ta´sirida qoldim. Bir qarasam, osmonda bir taxt ― Arshi A´lo turar, unda bir Siymo o`tirar edi. 3 - oyat ; -- O`tirgan Siymo olmos va la´lga o`xshash yaltiroq edi. Arshi A´lo atrofida zumradnamo kamalak bor edi. 4 - oyat ; -- Tevarakda yana yigirma to`rtta taxt turar, bu taxtlarda boshlarida oltin toj va oq kiyim kiygan yigirma to`rt nafar oqsoqol o`tirar edi. 5 - oyat ; -- Arshi A´lodan chaqmoq chaqib, momaqaldiroqning guldiragan ovozi kelardi. Arshi A´lo oldida Xudoning yetti Ruhi bo`lgan yettita mash´al yonib turardi. 6 - oyat ; -- Arshi A´loning old qismida oynaga o`xshagan, billurday dengiz bor edi. Arshi A´loning o`rta qismi va atroflarida to`rtta jondor turar edi, ularning oldi va orqasi ko`zlar bilan qoplangan edi. 7 - oyat ; -- Birinchi jondor arslonga, ikkinchisi buzoqqa o`xshar edi, uchinchi jondorning yuzi odamsimon, to`rtinchisi esa uchayotgan burgutga o`xshar edi. 8 - oyat ; -- Bu to`rt jondorning har birining oltita qanoti bor edi. Ular ichin-tashin, har taraflama ko`zlar bilan qoplangan edi. Kechasiyu kunduzi ular tinmay shu so`zlarni takrorlaydi: “Azaldan bor bo`lgan, hozir bor, Kelajakda ham bor bo`lg`usi Sarvari koinot, Tangri Taolo Muqaddas, muqaddas, muqaddasdir!” 9 - oyat ; -- Jondorlar Arshi A´loda o`tirgan, to abad barhayot Siymoga izzat-ikrom va shukronalar qilishi bilan, 10 - oyat ; -- yigirma to`rt nafar oqsoqol taxtdagi to abad barhayot Siymo oldida yerga yaslanib, sajda qilib, tojlarini taxt oldiga tashlab, shunday deydilar: 11 - oyat ; -- “Yo Rabbimiz, yo Xudoyimiz! Sen shon-shuhrat, izzat-ikrom, Kuch-qudratni egallashga loyiqsan. Zero Sen butun borliqni yaratding, Hamma narsa Sening irodang ila vujudga keldi”.