Б.Лхагвасүрэн - хүүдээ унших шүлэг HD

Хүүдээ унших шүлэг/Монгол тулгатны 100 эрхэм хэсгээс/ Аав нь хүүгээ согтуу явахыг үзлээ Азгүй хүнээ би... Аманд багтдаг байсан тэр хөөрхөн хөл нь Агуу орчлонг онож ядан тэнчигнэнэ. Залуу насны багтаж ядсан аагинд Заамны товч нулимс шиг унаж Дээл битгий хэл Дэлхий багадсан чиний насыг аав нь Үүл хуйлартал янцгаах морьдын Дэл сүүлний салхин дунд Үнэн дүнжгэр уулынхаа Дэнж бэлийн цэцгэн дунд Бүрэг номхон зантай нь Бүдрэхдээ гутдаггүй зоригтой нь орхисон сон. Аав нь хүүгээ согтуу явахыг харахад Алтан ургын багана ганхаж байх шиг уйтай Аавыгаа чи лав хоёр болгоно үзэж байгаа. Нэг нь үхэхэд Нэг нь үлдэх юм шиг дэвэрч байгаа. Чи бидэн хоёр хэн хэндээ ганцхан шүү үр минь...