Дучархасаворон аз Убайдуллоев хостанд, бо велосипед ба кор биёяд

Дӯстдорони дучархасаворӣ ва созмонҳои ҳифзи муҳити зист дар Тоҷикистон мехоҳанд, ҳадди ақал як рӯз, дар Рӯзи бидуни мошинҳо, ки ҳамасола 22 сентябр дар бархе аз кишварҳо таҷлил мешавад, мансабдорону мақомдорони тоҷик ҳам аз баҳри мошинҳои худ бигзаранд ва аз дучарха истифода баранд. Дар шаҳри Душанбе ҳам бо ҳадафи тарғиби дучархасаворӣ рӯзи 20 сентябр, бо шиори “Шаҳрҳо барои мошинҳо не, барои одамон аст”, таҷлили рӯзи дучархасавориро шурӯъ карданд. Ин ҷашнвора, ки бо ташаббуси Федератсияи дучархасаворӣ ва созмони ҳифзи муҳити зисти “Замини хурд” ташкил шудааст, ду рӯз идома мекунад ва дар доираи он озмунҳои мухталифи дучархасаворӣ баргузор мешавад. Ин видео бидуни шарҳ аст. Гузориши муфассал дар ин бора дар вебсайти Радиои Озодӣ ва инҷост: http://www.ozodi.org/content/bicycle-racing-in-dushanbe-city/26596943.html