Ууланган тамак-аш

Кыргызстанда соңку 5 жылда 21 адам тамак-ашка ууланып өлгөн. Алардын дээрлик бардыгы үй шартында консерваланган салаттардан ботулизм илдетине чалдыгышкан. “Азаттыктын” “Ыңгайсыз суроолор” телеберүүсү мындан улам өлкөдөгү тамак-аш коопсуздугун иликтөөгө алды. Коомдук тамактануучу жайлар санитардык талаптарга жооп береби, тиешелүү кызматтар эмне үчүн ашканаларды эскертүүсүз текшере албайт? Ушул жана башка суроолорго берүүбүздөн жооп табасыз. Иликтөөдө коомчулукту дүрбөткөн эшек эти тууралуу да сөз болот.