Конор Макгрегор черковда меҳнат қилишга мажбур қилинди

UFC бўйича собиқ жаҳон чемпиони Конор Макгрегор ўтган йилнинг апрель ойида Доғистонлик спортчи Ҳабиб Нурмагомедов ва унинг жамоаси бўлган автобусга ҳужум қилган эди. Ҳолат юзасидан АҚШдаги суд Конор Макгрегорни 5 кун мобайнида жамоат жойларида ишлашга маҳкум қилди. Ирландиялик спортчи суднинг чиқарган қарорни ўташни бошлади ва Нью-Йоркдаги иккита черковда ишлаб берди. Конор у ерда қандай юмушни бажаргани маълум эмас. Макгрегор черковда жисмоний меҳнат қилгани айтилмоқда. Иккала черковдаги жамоатнинг журналистларга маълум қилишича, Конор барча ишларни кўнгилдагидек бажарган ва у ердаги одамлар билан тезда тил топишиб олган.