Сабоҳат Наҷмиддинова - Бар нигори ман баред

шеъри Садриддин Айнӣ Дӯстон, арзи умедам бар нигори ман баред, Раҳмате бар хотири умедвори ман баред. З-ин диёру шаҳр тангам, шаҳриёри ман куҷост? Лутф ореду маро бар шаҳри ёри ман баред. Ё ба ман аз хоки пояш сурмаворе оваред, Ё маро дар раҳгузори шаҳсавори ман баред. Ман қатили ғамзаи нози нигори навхатам, Пай бад-ин маънӣ зи райҳони мазори ман баред. Гар ҳамехоҳед ҷон осон диҳам ҳангоми назъ, Ҷойи такбиру тиловат номи ёри ман баред. Дар парешонрӯзғорӣ гар равад Айнӣ зи даҳр, Ҷамъ биншинеду ёд аз рӯзғори ман баред.