Ұлттық тағамдар

"Қонақ келсе - құт" деп білген халқымыз үйіне келген мейманына мал сойып, ақ дастарханынан дәм татырып, айрықша ілтипат білдіреді. Осындай жөн-жоралғылар арқылы ұрпаққа өнеге боларлық ұлағатты іс, әдет-ғұрыптар сақталып отырған. Келген қонаққа тартылатын табақтың түрлері өте көп. Ең негізгілері бас табақ, сый табақ, қос табақ, жай табақ болып бөлінеді. Одан кейін мейманның жолына, дәрежесіне қарай күйеу, келін, жеңге, жезде, жастар табағы деп айтылады екен.