ТАҶОВУЗКОР ва ҚОТИЛИ Руфейда МАСТ будааст! Ӯ чӣ гуна ин КОРРО кард? HD

Руфейда Иноятоваи 8-сола, ки ба иттилои мақомоти тоҷик аз ҷониби ҳамсояаш Раҳматулло Гадоев таҷовуз ва кушта шудааст, он рӯз ба хонаи ҳамсоя барои бозӣ бо дугонааш рафтаст. Вазорати корҳои дохилии Тоҷикистон мегӯяд, замоне, ки Руфейда ба хонаи дугонааш - духтари Гадоев омадааст, марди соҳибхона он ҷо танҳо дар ҳолати мастӣ қарор доштаст. Соҳибхона бо истифода аз он, ки дар манзил касе нест, бо роҳи буғӣ кардан ба номуси духтарча дастдарозӣ кардааст. Манбаъ афзуд, Гадоев гарчанде маст будааст, аъмолашро дарк мекард, чун талоши пинҳон кардани изи ҷиноят намудаст. Муттаҳам дар пайи куштор ҷасадро ба ҳоҷатхона партофта, болояш хоку санг партофта, осори хунро тоза намудаст, омадааст дар гузориш. Дирӯз дар нишасти матбуоти Юсуф Раҳмон, додситони кулли Тоҷикистон гуфт, парванда аз рӯи қатлу таҷовузи Руфейдаи 8-сола дар ноҳияи Рӯдакиро таҳти назорати шахсӣ гирифтааст. Ба иттилои додситонӣ, аз рӯи ин ҳолат нисбати Гадоев бар асоси моддаҳои 138 - таҷовуз ба номуси духтари ба синни 14 норасида ва 104 - куштор, парвандаи ҷиноятӣ оғоз гардидааст. Ин моддаҳои Кодекси ҷиноии Тоҷикистон то ҳабси якумраро пешбинӣ мекунанд. Ёдовар мешавем, ки Руфейда Иноятова духтарчаи 7 сола, сокини шаҳраки Навободи ноҳияи Рудакӣ, рӯзи 3 июл аз хона ба ҳоҷатхона (дар кӯча воқеъ аст) баромада бедарак шуда буд. Дар ин бора аммаи духтарак Саида Иноятова дар саҳифаи фейсбукии худ хабар дода буд. Кормандони шуъбаи дуюми раёсати кофтукови ҷиноятиии ВКД Тоҷикистон, субҳи 6 июл гумонбари асосӣ дар қатли ваҳшиёнаи духтарчаро муайян ва дастгир кардаанд.