ФАЛОНАМ ДАР ФАЛОНАТ... ВИДЕОИ ГАППАРТОИИ РОНАНДАИ ТАКСИ ДАР КӮЧА HD

Видеои кӯтоҳи гаппартои ронандаи як таксии рақами 3 дар маркази Душанбе ба мавҷи вокунишҳои пурхашм дар шабакаи Фейсбук рӯбарӯ шудааст. Дар ин видео ронанда ба духтари раҳгузаре пешниҳод мекунад, ки “биё, бепул мегирам мебарамта.” Вақте духтар рӯяшро пӯшонда, ба ӯ эътибор намедиҳад, ронанда ӯро “фалонам дар фалонат” гӯён дашноми қабеҳ медиҳад. Видеои гаппартоии ин ронандаи таксии рақами 3-ро Субхидин Якубович Мухидинов дар гуруҳи МЫ-ТАДЖИКИСТАНЦЫ! / МО -ТОҶИКИСТОНИЁН! дар шабакаи Фейсбук нашр кардааст. Ӯ менависад, рақами таксиро сабт накардааст, вале ин мошини “Опел”-и ҳеҷбеки рангаш сурхи бордо буд. Ба навиштаи Субҳиддин Муҳиддинов, ронандае ки бо чунин лаҳни қабеҳ гап мепартофт, дар мошинаш боз шарм надошта, калимаи Аллоҳро навишта буд. Ба хотири эҳтиром ба тамошобинон дар видео садои ронандаро дар лаҳзае дашноми қабеҳро ба забон меорад, хомӯш кардем. ТАФСИЛОТ ДАР СОМОНАИ АХБОР: http://akhbor.com/index90.htm