Дар Тоҷикистон 1,8 тонна оши палави бепул тақсим карданд. HD

Бо маблағи хайриявии як сокини деҳаи Кулангири ноҳияи Бобоҷон Ғафуров 1 тонну 800 кило оши палав пухта ройгон ба зиёда аз 2 ҳазор нафар тақсим карданд. Ин оши палавро Даврон Зокиров ошпази номии деҳа бо чаҳор нафар ошпаз ва ҳудуди 20 нафар ёрирасон дар як деги калон пухтааст. Барои ин оши Рамазонӣ беш аз 30 ҳазор сомонӣ сарф шудааст ва онро шаби 9-уми май пухта ба мардум тақсим карданд. Даврон Зокиров, сарошпаз: “Одами бисёр омад тайёриҳо зӯр буд. Ёру дӯстон, ҳамсинфон ҳамакаса зиёда аз 15 нафар ҳамин ошро омода кардем. Равғанаш 150 кило буд, 550 кило сабзӣ, 150 ё 200 кило пиёз, 120 кило гӯшти лахм баъд 100 дона қазӣ, 200 дона бедона, барги ток, 40 кило думба баъд 450 кило биринҷ буд. Давоми як моҳи Рамазон дар деҳаи Кулангири ҷамоати Ҳайдар Усмон оши палави ройгон мепазанд. Барои дарёфти ин таъоми миллӣ то соати 01:00-и ҳар шаб ҳазорҳо нафар табақ дар даст дар назди тарабхонаи Кулангир навбат мепоянд. Раҳимбой Турсунов, сокини деҳаи Кулангир: “Аз ҳар куҷо меоянд. Аз Рӯмон Унҷӣ аз шаҳри Хуҷанд меоянд. Насиби касе бошад меоянду ош гирифта мераванд. Наздик як моҳ мешавад ош пухта ба мардум тақсим карда истодаем. То қадри имкон ҳаракат мекунем касе омад ош гирифта равад”. Ҳар шаб дар ин деҳа аз 80 то 100 кило оши палав пухта ба рӯзадорон, ниёзмандон, камбизоатон ва ҳар он касе, ки бо умед табақ меоранд ош медиҳанд. Маблағи як руза барои таҳияи ин миқдор оши палав беш аз 4 ҳазор сомонӣ будааст ва онро савобҷуйе пардохт мекардааст. Даврон Зокиров масъулияти пухтани ошро дар зимма дорад ва дар пухтану расонидани оши хайротӣ ба у сокинон кӯмак мерасонанд. У қаблан пухтани оши беш аз 1 тонаиро борҳо дар таҷриба нишон дода буд. Даврон Зокиров, сарошпаз: “1700 кило якумин бор дар Кулоб ош пухта будем. Дигар ошпазиро аз пухтани як тон сар кардаем. Ду се рӯз омодагӣ мебинем вазбинтаринаш ба ҳисоби омодакунӣ то тайёр кардани маҳсулот аст. Баъди он боз 8 соат то пухтани таъом. Вақти омодакунӣ зиёда аз 20-25 нафар ёрдам мерасонанд то омода шудани ош боз каме то 10 нафар кӯмак мекунанд”. Ҳафт сол инҷониб дар деҳаи Кулангир дар моҳи Рамазон бо маблағгузории саховатмандон оши палави ройгон пухта ба мардум медиҳанд. Соли гузашта дар замони хуруҷи бемории коронавирус аз ин ҳисоб ош пухта ба духтурон кумак расонидаанд. Даврон Зокиров, сарошпаз “Он шабу рӯзи моҳи Рамазон буд мо оши палав пухта ба мардум хайрот кардем. Пул изофагӣ кард мо се рӯз иқдом гирифтем барои дастгирии духтурони беморхонаҳои вилоят ҳаррӯз 60 килогӣ ош пухта бо нону салат дар зарфҳои яккарата фиристодем. Каме бошад ҳам духтуронро дастгирӣ кардем”. Даврон Зокиров таҷрибаи 14 солаи ошпазӣ дорад ва мегӯяд, дар иду ҷашнҳои Истиқлолияти давлатӣ, Иди сада, Наврӯз, Меҳргон ин таъоми миллиро пухтааст. У мегӯяд, ба оши пухтааш раисҷумҳур низ баҳои баланд додааст. Даврон Зокиров, сарошпаз: “Ҳамроҳи Президент мо 6 маротиба вохӯрдем он кас бисёр аҳсан намуданд ва боз ба Гиннес мебарои гуфтанд чандин сӯҳбат кардем ҳамроҳи ҷаноби олӣ. Якумин маротиба дар меҳмонхонаи Ленинобод вохӯрда