Вазири адлияи Тоҷикистон СМС-талоқро эътироф намекунад

Вазири адлияи Тоҷикистон Рустам Менглиев гуфт, ки "вазорати адлия танҳо ақди никоҳи расмиро эътироф мекунад. СМС-талоқ дар доираи фаъолияти ин вазорат нест ва ҳатто шумораи онҳоро таҳқиқ намекунад." Вазири адлия дар мавриди ақди никоҳ бо шаҳрвандони хориҷӣ гуфт, дар як соли гузашта "137 мавриди ақди никоҳи шаҳрвандони Тоҷикистон бо шаҳрвандони хориҷӣ сабт шудааст." Ба гуфтаи вай, "ақди никоҳ бо шаҳрвандони Узбакистон, Русия, Афғонистон ва дигар кишварҳо сурат гирифтааст."