РТдан тилак: Тош менга ош сизга HD

Холва-холва деган билан оғиз ширин бўлмайди. Худди сайлов-сайлов дегани билан Ўзбекистондаги вазият демократик бўлмагани каби. Сайлов кунлари кўп ажнабий сўзлар қатори Электорат деган сўз қулоғимни қиздирди. Нима у электорат. Электорат дегани лотинча elector яъни сайловчи деган маънони беради. Бугунги маънода электорат бу бутун мамлакатдаги сайловчилар тўплами. Электорат ўзининг депутатини сайлайди. Аммо электоратга ҳам электр керак. Сайловчи турли нарсадан бирини танлаши керак. Сайловчига эса кимнингдир манфаати йўлида аллақачон танлаб қўйилган шахсни рўпара қилишади. Бўлиб ўтган сайловлар мисолида кўрганимиз аслида ғирромлик эмасми. Мана сиз тухум сотасиз. Харидор олдига бешта тухум қўйдингиз. Ҳаммаси думалоқ. Ҳаммасининг ранги бир. Энг мухими барча тухум палағда бўлган. Ҳаридор қайси тухумни сотиб олса ҳам барибир куяди. Бу холатда танлов имкони йўқ дейилади. Баъзан эса, тор феълимиз боис, бешта тухум ичидан фақат бузилганини танлаймиз. Ёки ҳаридорга бузилган тухумлардан бирини танлашни таклиф этамиз.