АМТАТ ЧИНЖҮҮНИЙ АЛАГ ЗУУШ HD

БЭЛТГЭХ БАЙДАЛ: Хөлдөө мөрний хэмжээтэй зай авахгүй, гараа бол бүр ч угаахгүй гэж гөжөөд яах вэ зүгээр л ногоонуудаа нарийхан савхлаад хэрччихнэ. ОРЦ: Тийм юм тэдэн ширхэг, ийм юм төдөн гарааммм энээ тэрээ гэж эрхлаамдахгүй ээ, зүгээр л өөрсдөө харж байгаа л бид дээ. Чухамдаа бол хүн, хүн өөрөө өөрийнхөөрөө л хийдэг байх л даа. Мэдрэл муутай юм шиг хоол хийх болгондоо дэнс, жин болоод зогсож байдаг хэн ч байх вэ дээ. Нүдэн болон гарын баримжаа байхад л болоод явчихна даа гэж. ХИЙХ ДАРААЛАЛ: Өнгөтөөр үзүүлэв. АМТАЛГАА: Давс, элсэн чихэр, үрлэн хар перц олдоогүй учир нунтаг хар перцээр орлуулсан нь хар перц мөлжиж хаяхгүй, чухамдаа бол хаягдал гарахгүй бүр ч олзуурхууштай санагдав. Нэгэнтээ л амт нь орчихож байгаа юм чинь дараа хийхдээ лаврын навчыг ч уур нүдүүрээр нүдэж нунтаглаад хийчэх юм шүү гэсэн адын бодол сэтгэлд үлдэв. Уг нь ч амтнаасаа гадна хар перц, лаврын навч хоёр ч бас өнгө үзэмж нэмдэг юмдаг уу даа. БОЛОВСРУУЛАЛТ: Өнгөтөөр үзүүлэв. Зарим хүмүүс паалантай саванд хийж л байдаг. Нөгөө нэг нь жимсний чанамлын шилэнд шууд савлаад ууранд жигнээд болгож ч байдаг. Бас ийнхүү савлаад том тогоонд усанд чаначихаж байгаа ч харагддаг. Манай муу чувганц бол наалддаггүй, түлэгддэггүй хайруулын шанаганд хийчэхдэг. Муу ээж минь байхдаа ширмэн тогоонд л зөөлөн галаар шажигнуулаад хаячихдаг байсан. Энэ бүхнээс дүгнэлт хийн хялбархан аргаар ийнхүү хийж болох нь миний олсон "ЭВРИКА!" байлаа. За доозоо, доозоо зооглоцгоо гэснээс үнэр гэж ханхийгээд хөрөхийг нь хүлээх ч там байсаан шоо гэсэн. Сартуул Б.Бат-Эрдэнэ. Япон, Унаками 2010-06-02