Сели мудҳиш дар Истаравшану Ашт

К умитаи ҳолатҳои фавқулодаи Тоҷикистон мегӯяд, дар пайи борони сахте, ки нимирӯзи 17 май борид, қисме аз роҳҳои мошингард дар Ашту Истаравшан хароб шуда, чанде аз мошинҳо низ зери обу лой мондаанд. Ориф Нозимов, сухангӯи кумита, дар сӯҳбат бо Радиои Озодӣ гуфт, ба иттилои онҳо дар Истаравшан шаш худрав зери лой монда, ҳоло кормандонашон ба дунболи рафъи оқибатҳои ин офати табииянд. Ба қавли ӯ, "бар асоси иттилое, ки мо гирифтем, дар Ашт тақрибан 700 метр роҳи мошингарди маҳаллӣ зарар дидааст." Оқои Нозимов гуфт, ҳарчанд дар ноҳияи Ҳисор ҳам жолаи сахт боридааст, аммо ҳоло зиёне ба қайд гирифта нашудааст. Вай афзуд, иттилои комил баъд аз ҷамъоварии хабарҳо аз манотиқи кишвар ироа хоҳад шуд.