ФАРМОНДЕҲИ МАШҲУР ИСМОИЛХОН БА ДАСТИ ТОЛИБОН АСИР УФТОД

Исмоилхон, фармондеҳи машҳури ҷабҳаи Ҳирот, ки дар замонаш нирӯҳои Шӯравиро шикаст дода буд, баъди ҳамагӣ чанд рӯзи раҳбарии муқовимати зидди Толибон ба асорат афтод. Бархе манобеъ мегӯянд, ки волӣ ва фармондеҳони урду ва пулиси Ҳирот ба Толибон таслим шуда, Исмоилхонро ба ҷаласа даъват карда ва ба Толибон супурдаанд. Роҳбарони Толибон баъди бозҷӯӣ Исмоилхонро озод карданд ва ба хонааш ҷавоб доданд. Онҳо ҳамчунин аз сокинони Ҳирот хостанд, ки эҳтироми Исмоилхонро, ки ба синни 78 расидааст, ба ҷо биоранд.