Бемории камхунии дил ва роххои пешгирии он.

Юсупова Малика, кардиологи бемористони Ибни Сино: Бемории камхунии дил ва роххои пешгирии он. Бемории ишемиявии дил осеби шадид ё музмини миокард мебошад, ки дар натичаи кам ё пурра катъ шудани таъмини мушаки дил аз гизои он – оксиген, ба миён меояд. Боз хам соддатар баён кунем, мушакхои дил аз оксиген, ки бо хун расонида мешавад, камбудӣ мекашанд, ва агар ин камбуди тӯл кашад боиси иллатдор шудани мушакхои дил мегардад. Ин холат дар заминаи илтиҳоб ва тангии шараёнхои коронари, ки вазифаи асосиашон таъмини мушакхои дил бо хун аст, пеш меояд. Дар натича як кисми мушаки дил, аз сабаби бегизо мондан, охиста охиста ё шадидан мубталои сакта шуда метавонад. Акнун биёед баррасӣ кунем, ки кадом омилхо боиси пеш омадани ин холат мегарданд. Умуман омилхои хатари бемории ишемиявии дилро ба ду гурух метавон таксим намуд: омилхое, ки танзим намешаванд, ва омилхое ки танзим мешаванд. Гурухи аввалро чинс, синну сол, ирсияти шахс ташкил медихад. Масалан мардхо дар синни то 45- 50 солагӣ нисбат ба занхо бештар гирифтори беморихои ишемиявии дил мешаванд. Инчо бояд кайд намуд, ки алхол синни сактаи миокард байни мардхо хеле чавон шудааст, мардон дар синни 30 сола ва хатто баъзан аз ин хам поён метавонанд мубталои ин садамаи дил гарданд. Барои занҳо бошад пас аз расидан ба синни 45-50 сола риски ин касали боло меравад. Дар умум ашхоси синну солашон боло бештар мубталои ин маризӣ мегарданд. Ва пушида нест, ки шахс агар ирсан мубталои беморихои дил бошад, насли ӯ низ дар мавқеи хатари гирифтории ин беморӣ дар ҷои аввал меистад. Чи хеле ки мебинем, мо ба ин омилхо умуман таъсир расонда наметавонем. Ба омилхое ки мо зарари онҳоро метавонем ба кадри имкон бартараф ва ё кам намоем, сигору носкаши, ҳаёти камҳаракат, фарбехи, алоими фишорбаландии шараёнӣ, диабети канд, истеъмоли хурокхои равгани хайвонӣ дошта, дохил мешаванд. Ногуфта намонад, ки барои ашхоси сигоркаш ғайр аз эхтимоли болои гирифторӣ ба бемории ишемиявии дил инчунин хатари пайдоиши бемории рагхои дигари бадан ва мушкилоти роҳҳои нафас низ дар мадди аввал меистад. Мафхуми хаёти солим ин суханхои хушку холи нестанд. Дар сурати риоя намудани ин тарзи зиндаги, шумо метавонед саломатии худро солхои дароз хифз намоед ва дар навбати худ сифати зиндагиатонро дар сатхи боло нигох доред. Фаъолияти мунтазами чисмони, даст кашидан аз одатхои бад ба монанди сигор ва носкаши, ғизои солим, ба эътидол овардани вазни бадан, танзими фишори шараёнӣ ва сатхи канди хун кафолати саломатии бебахои шумо мебошад. Ин сухбати охирини мо нест. Кардиологхои бемористони мо минбаъд ҳам ба шумо дар бораи беморихои дигари системаи дилу раг маълумоти муфид хоханд дод.