Мадумаров айрым ММКларга карата доолор боюнча пикирин билдирди

"Бүтүн Кыргызстан" партиясынын лидери Адахан Мадумаров бийликтин чечкиндүү кадамдарга барарына ишенбей турганын айтты. Ошондой эле Мадумаров Матраимовдордун үй-бүлөсүнүн бир катар ММКларга карата доосу тууралуу айтып, бийлик ар бир айтылган сөзгө факт сурай бере турган болсо, өкмөттүн, министрликтердин, прокуратуранын эмне кереги бар? деп суроо салды. Бир туугандар Райымбек жана Искендер Матраимовдор, алардын жубайлары жана үй-бүлөлүк «Ысмайыл Матраимов атындагы фонд» сотко кайрылган. Алар «Матраимовдордун кадыр-баркына доо кетирген» деп «Азаттык» радиосунан, кабарчы Али Токтакуновдон, «Kloop» жана 24.kg сайттарынан жалпысынан 60 миллион сом өндүрүп берүүнү өтүнүшкөн.