Пул бўлса чангалда шўрва HD

Пул бўлса чангалда шўрва Давлат жазоларни ижро қилиш хизмати ходимлари 300 АҚШ доллари эвазига бир одамдан судланганлигини олиб ташлашга тайёр бўлганликлари ҳақида Қирғизистон давлат миллий хавфсизлик қўмитасининг жамоатчилик ва ОАВ билан алоқа бўлими хабар берди. Унинг маълумотларига кўра, Давлат жазоларни ижро қилиш хизмати ходимларининг икки ходими фуқародан судланганлигини олиб ташлаш учун 300 АҚШ доллари талаб қилишган. Улардан бири 8 минг сом миқдорида пора олаётган вақтида қўлга олинган. Бу иш бўйича Давлат миллий хавфсизлик қўмитасининг (ДМХҚ) Қирғизистон республикасининг Жиноят кодекси 313-моддасида («Пора талаб қилиш») белгиланган жиноят аломатлари бўйича жиноий иш қўзғади. Бу порахўрлик ҳолати бўйича биринчи ва ягона ҳолат ҳам эмас. Кимда пул бўлса ўша одам бемалол пора билан жазодан қутулиб кетиши ва қисқа муддатларда озодликка чиқиши, баъзида эса умуман полиция биносигача ҳам етиб бормаслиги мумкин. Пора билан қутулиб кетиш учун пули бўлмаган одамни эса муқаррар жазо кутади. Қонун ҳимояси билан шуғулланадиган одамларни пора олишга нима ундар экан? Улар қандай қилиб жиноятчини қўйиб юборишлари мумкин? Ахир жиноятчи қонунни буздику? Яна шундай кимсалар борки, қўйиб юбориш учун атайлаб пул талаб қилишади. Бу яна қанақа ҳуқуқ-тартибот системаси бўлди!? https://www.facebook.com/CentralAsiaMedia