От Иоанна Святое Евангелие : Глава 21. [На церковно-славянском языке] HD

Глава 21. Зачало 66. 1 Посем явися паки иисус учеником (своим, востав от мертвых,) на мори тивериадстем. явися же сице: 2 бяху вкупе симон петр, и фома нарицаемый [близнецъ], и нафанаил, иже (бе) от каны галилейския, и сына зеведеова, и ина от ученикъ его два. 3 Глагола им симон петр: иду рыбы ловити. Глаголаша ему: идем и мы с тобою. Изыдоша (же) и вседоша абие в корабль, и в ту нощь не яша ничесоже. 4 утру же бывшу, ста иисус при брезе: не познаша же ученицы, яко иисус есть. 5 глагола же им иисус: дети, еда что снедно имате? отвещаша ему: ни. 6 он же рече им: вверзите мрежу о десную страну корабля и обрящете. Ввергоша же, и ктому не можаху привлещи ея от множества рыб. 7 Глагола же ученик той, егоже любляше иисус, петрови: господь есть. Симон же петръ слышав, яко господь есть, епендитом препоясася, бе бо наг, и ввержеся в море: 8 а друзии ученицы кораблецем приидоша, не беша бо далече от земли, но яко две сте лактей, влекуще мрежу рыб. 9 егда убо излезоша на землю, видеша огнь лежащь, и рыбу на нем лежащу и хлеб. 10 (И) глагола им иисус: принесите от рыб, яже ясте ныне. 11 Влез (же) симон петр, извлече мрежу на землю, полну великих рыб сто (и) пятьдесятъ (и) три: и толико сущим, не проторжеся мрежа. 12 глагола им иисус: приидите, обедуйте. Ни единъ же смеяше от ученик истязати его: ты кто еси? ведяще, яко господь есть. 13 Прииде же иисус, и прият хлеб, и даде им, и рыбу такожде. 14 Се уже третие явися иисус ученикомъ своим, востав от мертвых. 15 (Зачало 67) егда же обедоваше, глагола симону петру иисус: симоне ионин, любиши ли мя паче сихъ? Глагола ему: ей, господи, ты веси, яко люблю тя. глагола ему: паси агнцы моя. 16 глагола ему паки второе: симоне ионин, любиши ли мя? Глагола ему: ей, господи, ты веси, яко люблю тя. глагола ему: паси овцы моя. 17 глагола ему третие: симоне ионин, любиши ли мя? оскорбе (же) петр, яко рече ему третие: любиши ли мя? и глагола ему: господи, ты вся веси: ты веси, яко люблю тя. глагола ему иисус: паси овцы моя. 18 Аминь, аминь глаголю тебе: егда был еси юн, поясался еси сам, и ходил еси, аможе хотел еси: егда же состареешися, воздежеши руце твои, и ин тя пояшет, и ведет, аможе не хощеши. 19 Сие же рече, назнаменуя, коею смертию прославитъ бога. И сия рек, глагола ему: иди по мне. 20 обращься же петр виде ученика, егоже любляше иисус, вслед идуща, иже и возлеже на вечери на перси его и рече: господи, кто есть предаяй тя? 21 Сего видев петр, глагола иисусови: господи, сей же что? 22 глагола ему иисус: аще хощу, да той пребывает, дондеже прииду, что к тебе? ты по мне гряди. 23 Изыде же слово се в братию, яко ученикъ той не умрет. И не рече ему иисус, яко не умрет, но: аще хощу тому пребывати, дондеже прииду, что к тебе? 24 Сей есть ученик свидетелствуяй о сих, иже и написа сия: и вем, яко истинно есть свидетелство его. 25 Суть же и ина многа, яже сотвори иисус, яже аще бы по единому писана быша, ни самому мню (всему) миру вместити пишемых книг. Аминь. Конец еже от иоанна святаго евангелиа: имать в себе глав 21, зач