От Иоанна Святое Евангелие : Глава 13. [На церковно-славянском языке]

Глава 14. Зачало 47. 1 Да не смущается сердце ваше: веруйте в бога, и в мя веруйте: 2 в дому отца моего обители многи суть: аще ли же ни, рекл бых вам: иду уготовати место вам: 3 и аще [аще пойду и] уготовлю место вам, паки прииду и поиму вы к себе, да, идеже есмь аз и вы будете: 4 и аможе аз иду, весте, и путь весте. 5 Глагола ему фома: господи, не вемы, камо идеши: и како можем путь ведети? 6 глагола ему иисус: аз есмь путь и истина и живот: никтоже приидет ко отцу, токмо мною: 7 аще мя бысте знали, и отца моего знали бысте (убо): и отселе познасте его, и видесте его. 8 Глагола ему филипп: господи, покажи намъ отца, и довлеет нам. 9 глагола ему иисус: толико время с вами есмь, и не познал еси мене, филиппе? видевый мене виде отца: и како ты глаголеши: покажи намъ отца? 10 не веруеши ли, яко аз во отце, и отец во мне есть? (Зачало 48) глаголы, яже аз глаголю вам, о себе не глаголю: отец же во мне пребываяй, той творит дела: 11 веруйте мне, яко аз во отце, и отец во мне: аще ли же ни, за та дела веру имите ми. 12 Аминь, аминь глаголю вам: веруяй в мя, дела, яже аз творю, и той сотворит, и болша сих сотворит: яко аз ко отцу моему гряду: 13 и еже аще что просите (от отца) во имя мое, то сотворю, да прославится отец въ сыне: 14 (и) аще чесо просите во имя мое, азъ сотворю. 15 Аще любите мя, заповеди моя соблюдите, 16 и аз умолю отца, и иного утешителя даст вам, да будет с вами в век, 17 дух истины, егоже мир не может прияти, яко не видит его, ниже знает его: вы же знаете его, яко в вас пребывает и в вас будет. 18 Не оставлю вас сиры: прииду к вам: 19 еще мало, и мир ктому не увидитъ мене, вы же увидите мя, яко аз живу, и вы живи будете: 20 в той день уразумеете вы, яко азъ во отце моем, и вы во мне, и аз в вас. 21 Имеяй заповеди моя и соблюдаяй их, той есть любяй мя: а любяй мя возлюбленъ будет отцем моим, и аз возлюблю его, и явлюся ему сам. 22 Глагола ему иуда не искариотский: господи, и что бысть, яко нам хощеши явитися, а не мирови? 23 отвеща иисус и рече ему: аще кто любитъ мя, слово мое соблюдет: и отец мой возлюбитъ его, и к нему приидема, и обитель у него сотворима: 24 не любяй мя словес моих не соблюдает: и слово, еже слышасте, несть мое, но пославшаго мя отца. 25 Сия глаголах вам в вас сый: 26 утешитель же, дух святый, егоже послетъ отец во имя мое, той вы научит всему, и воспомянет вам вся, яже рех вам. 27 Мир оставляю вам, мир мой даю вам: не якоже мир дает, аз даю вам. (Зачало 49) Да не смущается сердце ваше, ни устрашает. 28 Слышасте, яко аз рех вам: иду и прииду к вам. Аще бысте любили мя, возрадовалися бысте (убо), яко рех: иду ко отцу: яко отец мой болий мене есть. 29 И ныне рех вам, прежде даже не будет, да, егда будет, веру имете. 30 Ктому не много глаголю с вами: грядет бо сего мира князь, и во мне не имать ничесоже. 31 Но да разумеет мир, яко люблю отца, и якоже заповеда мне отец, тако творю: востаните, идем отсюду. Ева́нгелие (греч. εὐαγγέλιον — «благая весть») — жизнеописание Иисуса Христа; книги, в которых рассказывается о