Тошкентга юриш қатнашчилари автобусга босиб олиб кетилди

23 сентябрь куни соат 12 лар атрофида адолат истаб ИИВ рахбари Пўлат Бобожонов билан учрашиш учун Гурландан Тошкентга яёв йўлга чиққан бир гуруҳ фаоллар ва воқеаларни бевосита тармоқда ёритаётган журналист Нафосат Аллоберганова калтакланиб, автобусга солиб олиб кетилган. Воқеа гувоҳларидан бирининг “Элтуз”га билдиришича, ИИБ ходимлари Нафосат Аллобергановани калтаклашган. Оллашукурова каналига қўйилган сўнгги видеода, юриш қатнашчилари йўлини тўсган гуруҳ ва қора рўмол ўраган барзанги бир аёл унга ташланаётгани, кейин эса ҳаракат иштирокчиларини уришаётганини кўриш мумкин. “Ҳоким ва унинг одамлари бизни уришаяпти. Халқаро ташкилотлардан ёрдам сўраймиз” дейди Нафосат Аллошукурова ўз видеосида. 23 cентябрь куни эрталаб юриш Урганч-Хонқа йўналиши бўйлаб давом этди. Ундан аввал воқеаларни фейсбук канали орқали жонли ёритаётган Нафосат Аллобергановани чақириб олиб унга босим ўтказишган ва харакат тўхтаган эди. Дастлаб ҳавфсизликни сақлаш мақсадида ҳаракатни Ички ишлар бўлими ходимлари кузатиб боришди. Урганч Хонқа йўлида яна бир оила қўшилгани айтилди. Европа вақти билан соат 8.30 лар атрофида юриш иштирокчилари олдига Урганч шаҳар ҳокими Шуҳрат Ибодуллаев етиб келди. Сал ўтмай провакация бошланди. Юриш иштирокчиларига қарши куч ишлатилди. Жонли ёйин ёритаётган Нафосат Оллашукурова уни уриб ташлашганини билдирди. Шундан сўнг жонли ёйин тўхтади.