Чубак ажы Жалилов: Темир Сариевдин айтканына толук кошулам. Ар бир улут өзүнүн улуттук кийимин сакташ керек

"Хиджаб, паранжа, дамбал сыяктуу кийим - бул кыргыз элинин кийими эмес. Биздин ата-бабаларыбыз илгертен өзүбүздүн улуттук кийимдерди кийип келишкен. Кыргызстанды биз улуттук кийимдерибиз менен даңазалап кыргыз бойдон калыш керек" - мындай пикирин Өкмөт башчы Темир Сариев ИИМдин Ысык-Көлдөгү көчмө жыйынынын жүрүшүндө билдирген. Темир Сариев өз сөзүндө, «Кыргыздарды кыргыз кылып сактап келген биздин өзүбүздүн салттарыбыз бар. Хиджаб менен паранжа кийүү бул кыргыз элинин салты эмес. Ооба биздин динибиз ислам. Бирок биз башка салттарды кабыл албашыбыз керек деген оюн билдирген эле. Премьер-министрдин мындай оюна Чубак ажы Жалилов да кошулаарын айтып, кыргыздар башка улуттун салтын колдоп, кийимин кийип алууну колдобой тургандыгын билдирди.