«Тошкент савдо маркази»да 700 дан зиёд дўкон бузилади HD

Дўконлари бузилишидан норози “Тошкент савдо маркази»га (олдинги “Абу Саҳий” МЧЖ) қарашли бозордаги 700 дан зиёд дўкон эгалари 16 ноябрь норозилик билдириб бозор маъмурияти олдига йиғилишди. Тадбиркорларнинг норозилигига бозор маъмуриятининг бир кун олдин дўконларини 1 декабргача бўшатиб қўйишлари ҳақида огоҳлантириш бергани сабаб бўлди. Шу кунги норозилик чиқишидан сўнг кечқурун, Чилонзор туман ҳокими ва бозор мутасаддилари дўкондорларнинг айримларини билан учрашиб йиғилиш ўтказишди. “Элтуз”га келиб тушган видеода Чилонзор тумани ҳокимият вакили ва Алишер исмли яна бир мулозимнинг дўкондорлар билан 16-ноябрдаги айни учрашуви акс этган. Видеода жумладан, ҳокимият мулозими Алишер (фамилияси ноъмалум), ҳеч кимнинг дўкони бузиб ташланмаслиги, ҳар ким билан алоҳида келишув қилиниши ҳақида гапиради. “Масалан мана сиз билан, ўтирволиб. Дўконингиз шуми? Сизга ўрнига мана шуни берамиз. 6 ой қуриб оладиган бўлсангиз, бу ерда ишлаб турасиз. Рози бўлган жойингизни берамиз деб келишув қиламиз”, дейди ҳокимият мулозими. Исмини айтмаган “Элтуз” суҳбатлашган дўкон эгаларидан бўлган бир аёлнинг айтишича, уни бозор маъмурияти ходими дўконини бўшатиб қўйиши ҳақида 15 ноябрь куни оғзаки огоҳлантирган. Бунинг сабабини дўкон инфратузилмасини ўзгартириш мақсадида бузилиши билан изоҳлаган. “Менинг дўконим 16 квадрат метр майдонда жойлашган. Дўконнинг мулк кадастр ҳужжатлари 2012 йилнинг апрелида номимга расмийлаштирилган. Дўконнинг бугунги кундаги нархи 100 минг долларга яқин бўлади. Лекин гап товон пули ҳақида, ёки бозор ўрнида қуриладиган янги дўконларнинг бизга берилиши ҳақида кетмаяпти”, – дейди савдогар аёл. Унинг “Элтуз”га билдиришича бузиладиган дўконларга ёндош майдонда, янги дўконлар қурилган. Ижара ҳақи қиммат бўлгани учун улар бўш ётибди. Ҳокимиятнинг майда дўкондорларни кўчага ҳайдашдан мақсади шу дўконларни ижарага бериш бўлиши мумкин. “Дўконларнинг бузилишига баҳона қилиб, ёнғинга қарши чора сифатида электр кабелларнинг алмаштиришни рўкач қилишаяпти. Лекин ҳар бир дўкон эгаси бу хизмат учун маъмуриятга ойма-ой пул тўлайди. Масалан, мен бир миллион 40 минг сўм коммунал ҳақи тўлайман” дейди “Элтуз” суҳбатдошларидан яна бири. Видеода кўринишича, дўкондорларнинг норозилигидан сўнг, амалдорлар озроқ шаштидан тушишган. Улар 15 ноябрдаги дўконларни бузиш ҳақидаги гап бекор бўлгани, дўконларни бузмасдан туриб инфраструктурани ўзгартириш ҳақида маслаҳатлашиб кўришни ваъда қилишмоқда. Шунингдек, ҳокимликнинг дўконларни бузиш ҳаракатига Ўзбекистон ҳукуматининг 16 ноябрда чиқарган Ер участкаларининг олиб қўйилиши ва олиб қўйилаётган кўчмас мулк объектлари мулкдорларига компенсация бериш тартиби тўғрисидаги Низомни тасдиқлаш қарори сабаб бўлган бўлиши ҳам мумкин. Ушбу ҳукумат қарорида кўзда тутилган янги тартиб, адлия вазирлигига кўра, (ссилка: https://t.me/huquqiyaxborot) 2020 йилнинг 1 январидан кучга киради. “Абу Сахий” дўкондорларидан эса дўконларини 1 декабрга қадар бўшатиш талаб қилинмоқда. “Афтидан, ҳокимиятдагилар анча илгаридан дўконларимизга к