97 яшар Ўзбекистон Халқ шоири Шукруллони ўзбек телеканалларида кўрсатиш ҳамон тақиқда HD

Ўзбек адабиëтининг энг кекса намояндаси 97 яшар Ўзбекистон Халқ шоири Шукруллога нисбатан Ислом Каримов даврида жорий этилган тақиқ¸ 2018 йилда ҳам кучда қолмоқда. Бу ҳақда Озодликка ëзувчининг ўғли Абдуғафур Юсупов¸ қолаверса¸ Шукруллонинг ўзи билан суҳбатда бўлган бир гуруҳ ўзбек зиëлилари маълум қилди. Абдууғафур Юсуповга кўра¸ 2017 йилнинг декабридан жорий йилнинг апрелига қадар бўлган давр ичида Ўзбекистондаги бир неча телеканал ижодий гуруҳи кекса ëзувчи ҳақида махсус дастур суратга олган¸ аммо уларнинг бирортаси ҳозирга қадар намойиш этилмаган. - Бултур “Ўзбекистон 24”дан келишди. Кейин “Менинг юртим”дан келишди. “Дийдор ширин” деган кўрсатувда берамиз¸ дейишди. Қўйинглар¸ аввалгисини беришмади¸ десам¸ “йўқ¸ гаплашилган¸ тепа билан келишилган”¸ дейишди. Қари онамизни¸ отамизни безовта қилиб¸ соатлаб съëмка қилишди. Кўрсатишмади. Нимага бермаяпсизлар¸ десам¸ “ҳа энди тепадан рухсат йўқ кўрсатишга”¸ дейишди. Энди келишса¸ эшикдан ҳам киритмайман¸ дейди таниқли ëзувчининг ўғли Абдуғафур Юсупов.