Намозатро ба вақти хеш мехон! -УМЕДИ РАҲМАТ 2021 HD

Агар хоҳӣ шавӣ мақбули Раҳмон, Пазиробандае бошӣ ба Субҳон, Бигӯям бар ту, эй ёри мусалмон Намозатро ба вақти хеш мехон! . Ба рӯзе, панҷ вақтеро ҷудо кун, Бихезу фарзу ҳам қарзат адо кун. Таҳорат кун ба исми поки Яздон, Намозатро ба вақти хеш мехон! . Намозат нур бахшад бар вуҷудат, Биёбӣ рӯҳи нав аз ҳар суҷудат. Ба рӯҳу пайкарат то ёбӣ дармон, Намозатро ба вақти хеш мехон! . Сафо ёбӣ зи ӯ дар ҳарду олам, Раҳо ёбӣ зи ранҷу зулмату ғам. Шавад дунёву уқбоят чароғон, Намозатро ба вакти хеш мехон! . Худоро гар бидонӣ Холиқи худ, Набояд амри Ӯро тарк бинмуд! Бихоҳи бо ту бошад нури имон, Намозатро ба вақти хеш мехон! . Мукаммал кун ҳама шарти вузӯяш, Бихон бо роҳату ҳам бо хушӯяш. Ва Маъбудро яқинан рӯ ба рӯ дон, Намозатро ба вақти хеш мехон! . Намозе, ки набошад бо муҳаббат, Мапиндораш варо ҷузъе зи тоат! Тамоми ин ҳавасҳоро зи худ рон, Намозатро ба вақти хеш мехон! . Магӯ, имрӯз ё фардо бихонӣ, Яқин дорӣ, ки то фардо бимонӣ? Зи дил берун намо ин ҳарфи шайтон! Намозатро ба вақти хеш мехон! . Расули Ҳақ, Ҳабиби хоси Раҳмон, Чи амре дошт медонӣ ба ёрон? Ҳамин буд дар забонаш то дами ҷон Намозатро ба вақти хеш мехон! МУРОДИИ ХАТЛОНӢ 19.01.2021