«Манăн бизнес» услама аталанма пулăшать

Çĕршыв экономикинче усламçăсен тӳпи те, пĕлтерĕшĕ те çулсерен ӳссе пырать. Патшалăх та хăйсен ĕçне пуçаракансене тĕрлĕ енлĕн пулăшса пырать. Шупашкарти «Манăн бизнес» центр ĕçлеме пуçланăранпа 2 çул çитрĕ. Вăл пĕчĕк тата вăтам услама аталанма 14 пулăшупа тивĕçтерет. Çĕршыв Президенчĕн Федерацин Атăлçи округĕнчи полномочиллĕ элчи тата сумлă хăнасем те центр ĕç-хĕлĕпе паллашрĕç.