АҚШ Ўзбекистон фуқароларига нима учун виза бермаяпти? HD

АҚШ Ўзбекистон фуқароларига нима учун виза бермаяпти? Шу ҳафта маълум бўлишича, 2019—йилда АҚШ Давлат департементи 68 фоизни рад этган. Ўзбекистоннинг кўрсаткичлари Марказий Осиё мамлакатлари орасида энг юқори кўрсаткичдир. Шу билан бирга, 2018-йилга қараганда визаларни рад қилиш Ўзбекситонликлар учун 6 фоизга ошди. Ўзбекистон фуқароларининг Америка визасидан воз кечилишининг сабаби уларнинг ватандошлари бўлиб, улар кўпинча виза муддати тугугандан сўнгра ҳам Америкада қолишади,-дейди АҚШнинг Ўзбекистондаги элчиси Даниел Розенблюм. “Шунинг учун биз ҳар бир кишини батафсил ўрганишимиз керак ва виза муддати тугамаслигига, мамлакатда ноқонуний қолмасликларига ишонч ҳосил қилишимиз керак” - дейди элчи. Шу билан бирга, Розенблюм шахсан виза бериш жараёнида қатнашмаслигини айтди. “Элчихонада ушбу масалалар билан шуғулланадиган махсус бўлим мавжуд. Махсус қоидалар асосида бўлим ходимлари виза бериш имкониятини аниқлайдилар”, - деди. 2019-йилдаги маълумотларга кўра, Қўшма Штатлардаги ноқонуний муҳожирларнинг умумий сони 11.3 млн кишини ташкил этади. Мигрантлар кўпроқ Мексика, Хитой, Гондурас, Сальвадор аҳолисини ташкил этади. USA Today маълумотларига асосланган ҳолда 2017-йилда 600 000 турист Америкага кириб, визаси тугаган ҳолларида ҳам у ерда қолганликларини хабар қилган эди. Виза муддатини ўтказиб, у ерда яшаётганлар кўпроқ Канадаликлар, Португалия, Венгрия ва Юнонистон фуқаролари эканлиги аниқланди. Виза берилмаётган мамлакатлар эса, Яман, Сомали, Эрон, Ливия, Палау каби мамлакатлардир. Бу кўрсаткичлар ва маълумотларга қараладиган бўлса, Канада, Венгрия каби мамлакатлар фуқаролари кўпроқ қонунни бузган мамлакатлар қаторига киради, лекин Америка рад жавобини камбағал ва қашшоқ давлатлар аҳолисига берган. Бундан келиб чиқадики, бундай масалаларда ҳар доим ҳам қонунга кўра иш юритилмайди балки мавжуд сиёсий вазият ҳам рол ўйнайди. Ўзбекистон фуқароларига виза берилмаётганининг сабаби сиёсий тарафдан ҳам бўлиши мумкин, лекин элчи яна айбни бошқаларга юклади.