Кылмышка шектелген кооперативдер, арабөк калган кардарлар HD

Ички иштер министрлигинин маалыматына караганда акыркы айларда бир катар турак жай кооперативдерине карата кылмыш иштерин козголуп, тергөө жүрүп жатат. “Ихсан”, “Биринчи курулуш”, “S-Line” өңдүү кооперативдеринин борбордук жана аймактык жетекчилери “алдамчылыкка” жана “ишенип тапшырган мүлктү ыйгарып алууга, коротууга” шектелип камакка алынды. Жүздөгөн кардарлар кооперативдерге тапшырган каражатын да, мелжеген турак жайын да ала албай арабөк калууда. Мындай жагдайдын түзүлүшүнө кандай жагдайлар себеп болду? Кардарлар каражатын кайтарып алуу мүмкүнчүлүгү канчалык? Эмне үчүн кооперативдер каржы пирамидасына айланууда? Биз бүгүн “Азаттыкта” ушул жана башка суроолорго жооп издейбиз.