Автоҳалокатда ўлгани айтилган журналист Давлат Назар ўтган йил ҳокимни видеога олишга урингани учун қамалганди

Ўтган йил октябрида Давлат Назар Хоразм вилоятининг Қўшкўпир тумани ҳокими олиб бораётган очиқ мажлисни видеога олишга урингани учун 7 суткага қамалганди. Журналист ҳоким буйруғи билан мажлисдан ИИБ ходимлари томонидан тутиб олиб кетилгани, уни дўппослашгани ва тепишганини иддао қилган эди. Би-би-си мурожаатига жавобан Бош прокуратура Рўзметовнинг иши бўйича "хизмат текшируви тайинланган"ини билдирган, аммо текширув қандай якун топгани номаълум. Хоразм вилоят ИИБси ҳам Би-би-сига журналистнинг ҳибсга олиниш жараёнида қорнига бир неча бор урилгани ва тепиб йиқитилгани текширилишини ваъда қилганди. Рўзметов унинг ҳибсга олиниши ва қатор қонунлар бузилган равишда судга тортилиб айдор топилиши ортида ҳоким Жўрабек Раҳимов турганини айтганди.