Сібір жарасының таралуына мал өлекселері көмілген жерлер қауіп төндіруі мүмкін

Сібір жарасының таралуына мал өлекселері көмілген жерлер қауіп төндіріп тұрған сияқты. Дерт ошағына барып, жағдайды өз көзімен көріп келген премьер-министр Кәрім Мәсімов ондай аумақтардың қараусыз жатқандығын сынады. Қыруар қаржы бөлінсе де, қоршалған, белгі қойылған қорым жоқ. Сондай-ақ Кәрім Мәсімов толастамай тұрған жауыннан су ортасында қалған Алматы басшысын қайта сөкті. Бітелген арықтарды тексеру үшін жақын күндері Кәрім Мәсімов арнайы барып әкіммен арықтармен жаяу жүріп қайтпақ екен.