Сурхондарёда ИИБ ходимини ҳақорат қилган фуқарога жиноят иши очилди

Сурхондарё вилояти Денов туманида эркак йўл ҳаракати хавфсизлиги бўлими ходимини уятли сўзлар билан ҳақорат қилгани акс этган видео тарқалди. Бош прокуратура матбуот хизматига кўра, унга нисбатан Жиноят кодексининг 140-моддаси (ҳақорат қилиш) билан жиноят иши қўзғатилди. Шунингдек, хизмат вазифасини бажараётган ҳокимият вакилининг қонуний фаолиятига қаршилик кўрсатиш, ҳақоратлаш ёки унга туҳмат қилиш каби хатти-ҳаракатлар учун ҳам жиноий жавобгарлик мавжудлиги эслатилган. Жорий йил апрель ойида Фарғона вилояти Қувасой шаҳрида кўпчилик фуқаролар олдида ИИБ ходимининг “шаъни ва қадр-қимматини беодоблик билан қасддан таҳқирлаган” аёлга нисбатан ҳам айни шу модда бўйича жиноий иш қўзғатилган. Ўтган йил август ойида эса ИИВ Тошкентда ЙПХ ходимларини ҳақорат қилиб видео тарқатган блогер жаримага тортилганини маълум қилган. Блогернинг “ГАИда садақа сўраш бошқачароқ. Аввал честь беради, кейин садақа сўрайди” деган гапи жаримага сабаб бўлган. Видео: Ижтимоий тармоқларнинг ўзбек сегментидан олинган. https://t.me/ozodlikkanali/32502