Вăрлăх суйлаççĕ, курава хатĕрленеççĕ

Чăваш Енри хуçалăхсем çĕр улмин мĕнле сортне кăмăллаççĕ? «Иккĕмĕш çăкăр» лартнă чухне мĕнле йăнăшсем тумалла мар? Пуш уйăхĕн пуçламăшĕнче иртекен «Çĕрулми» курава пĕрлешӳсем мĕнле хатĕрленеççĕ. Ыйту нумай. Вĕсене уçăмлатма Çĕрпӳ тарăхĕнче вырнаçнă ял хуçалăхĕн наукăпа тĕпчев институтне çитсе килтĕмĕр. Кунти çĕрулмин çĕнĕ сортне шухăшласа кăларакан тата вăрлăхпа ĕçлекен ушкăнăн ертӳçи Светлана Константинова вăрттăнлăхсене уçса пачĕ.