Төрт мезгилде тең кымыз ич

Жылдын төрт мезгилинде да бээ сааганга болот. Мындай таң калыштуу ишти Оштун Алай районунун тургуну Тагай Кайкыев жасоодо. Беш жылдан бери 365 күн бою тынымсыз бээ сааган Тагай ага жубайы менен быйыл Бишкектин четинде кыштады. Алардын колунан жасалган кымызды ичүү үчүн келген коноктор үзүлбөгөндүктөн, бээни түндөп сааганга да туура келет. Эрте жазда эмес, кыш чилдеде кымыз жасоонун сыры эмнеде экенине кесиптешим Мээрим Бакир кызы кызыккан.