Озодлик 60 ëшда: Нима қилдигу¸ нима қила олмадик? HD

Душанба¸ 18 март куни Тошкент вақти билан 21:05 да бошланган навбатдаги жонли¸ интерактив мулоқотимиз Озодлик радиоси ўзбек хизматининг 60 йиллик фаолиятига бағишланди. Бундан 60 йил олдин - 1953 йилнинг 18 март куни Германиянинг Мюнхен шаҳридаги радиостанциядан ўзбек тилидаги илк эшиттириш янгради: - Озодлик радиосидан гапирамиз! Озодликдан гапирамиз! Ассалому алайкум. Совет Иттифоқидаги ўзбеклар учун ҳозирланган илк дастур Озодлик номи билан эфирга узатилди ва биринчи эшиттиришидан ҳозирга қадар ўз номини ўзгартирмай келаëтир. Бу ном ўтган 60 йил ичида бутун дунё ўзбеклари биладиган таниқли брэндга айланди. Тобора ташқи дунëдан узилиб¸ коммунистлар қура бошлаган темир парда ортида қолган Ўзбекистон каби мустамлака юртлари халқларига ўз тилида тезкор¸ объектив ахборот узатиш орқали уларнинг миллий ўзига хослиги¸ миллий озодлиги ва инсон ҳақларига ҳурмат кўрсатишга уринган Озодлик радиоси илк йиллар фаолиятини жадидлар маърифатидан баҳраманд бўлган ойдинлар йўналтирди.