9-қисм Қайтарилган рўзалар ва рўза тутишдан қайтарилган инсонлар (РЎЗА ҲАҚИДА ЕНГИЛ ДАРСЛАР)

РЎЗА ҲАҚИДА ЕНГИЛ ДАРСЛАР 9-қисм: Қайтарилган рўзалар ва рўза тутишдан қайтарилган инсонлар * Ҳаром қилинган рўзалар: 1. Фитр байрами ва Азҳо байрами кунларида рўза тутиш; 2. Ташриқ кунларида (Зулҳижжа ойининг 11, 12, 13 кунлари) рўза тутиш; 3. Эри бор аёл эридан рухсатсиз нафл рўзаларни тутиши жоиз эмас. (Агар эри сафарда бўлса рухсат сўраб ўтирмасдан рўза тутиши жоиз). * Макруҳ рўзалар: 1. Кунора қилиб дам олмасдан кетма-кет рўза тутавериш; 2. Жумъа кунининг ўзини алоҳида қилиб рўза тутиш; 3. Ҳаж қилаётган киши Арафа кунида рўза тутиши; 4. Шанба кунининг ўзини алоҳида қилиб рўза тутиш. * Рўза тутиши макруҳ бўлган одамлар: 1. Ҳомиладор ва эмизикли аёллар ўзига ва боласига зиён келтириш хавфи бўла туриб рўза тутиши; 2. Рўза тутса касаллиги кучайиб кетиши мумкин бўлган бемор; 3. Машаққатли сафарда юрган киши. والله أعلم وصلى الله وسلم على نبينا محمد وعلى آله وأصحابه وأتباعه ...