2-қисм РЎЗАНИНГ ТУРЛАРИ (РЎЗА ҲАҚИДА ЕНГИЛ ДАРСЛАР)

РЎЗА ҲАҚИДА ЕНГИЛ ДАРСЛАР 2-қисм РЎЗАНИНГ ТУРЛАРИ Шариат буюрган, тарғиб этган рўзалар бор ва Шариат кариҳ кўрган, ҳаром қилган рўзалар бор. * Шариат буюрган фарз рўзаларнинг турлари: 1. Рамазон ойида рўза тутиш; 2. Рамазон ойида тутилмаган рўзаларнинг қазосини тутиб бериш; 3. Каффорот рўзалари (муайян гуноҳларнинг жазоси сифатида тутиладиган рўзалар). 4. Назр рўзалар (инсон ўзига ўзи фарз қилиб олган, ўз виждонидан келиб чиқиб Аллоҳ учун тутишга ваъда берган рўзалар). * Шариат тарғиб этган рўзалар - нафл рўзалар: 1. Умумий нафл – савобли амал ҳисобланадиган рўзалар. 2. Муайян сабаблар туфайли тарғиб этилган рўзалар: Масалан, Арафа куни рўза тутиш, Ошуро ва Тосуо кунлари рўза тутиш, тўлин ой бўлган кунларда – 13, 14, 15 кунларда рўза тутиш, Душанба-пайшанба кунлари рўза тутиш, Шаввол ойи ичида олти кун рўза тутиш, Муҳаррам ойида рўза тутиш, кунора рўза тутиб юриш ... * Шариат қайтарган рўзалар: 1. Ҳаром қилинган рўзалар (Ҳайит кунлари ва ташриқ кунлари рўза тутиш) 2. Макруҳ бўлган рўзалар (Масалан, ҳаж қилаётган кишига Арафа куни рўза тутиши макруҳ бўлади...).