Журналистлар мулкини тортиб олган ҳоким ишдан ҳайдалди HD

Урганч туман ҳокими Бекчонов Отабек Исмойилович 15 октябр куни ишдан олинди. Шу куни, туман прокурори Д.Мадиримовга ҳайфсан берилган. Шу йилнинг август ойида Урганч туман ҳокимининг қурилиш ишлари бўйича ўринбосари 29 яшар Бекзод Абдримов ерга эгалик ҳуқуқи учун пора олганликда айболаниб қамалган эди. Ишдан бўшатилган туман ҳокими Отабек Бекжонов, ҳорижда яшаётган хоразмлик ака-ука журналист Бобожоновларнинг уйларини тортиб олиш ҳақидаги қарори билан «Элтуз» мухлисларига яхши таниш. Мулк эгаларига шикоят қилиш муддати ўтиб кетганидан кейин хабар берилган эди. Ҳозирда мулкни тортиб олиш ҳақидаги суд қарорини бекор қилиш юзасидан журналистларнинг адвокати иш бошлаган.