Сыгъдæг кæнæм

Доны былгæрæтæ, парктæ æмæ сквертæ ныр сыгъдæг сты! Цæгат Ирыстоны сарæзтой сыгъдæгдзинады зиу. Ныр фæткмæ гæсгæ, нæ республикæйы сæргълæууæг Битарты Вячеславы хъæппæрисæй, алы мæйы фæстаг хуыцаубон министрадты, ведомствæты кусджытæ, студенттæ æмæ ахуырдзаутæ бырæттæй сыгъдæг кæнынц сæ бæрны цы фæзуæттæ ис, уыдон. Ацы хатт зиумæ 1 мин адæймагæй фылдæр рацыд. Æрымбырд кодтой бырон, аластой саст бæлæстæ æмæ къалиутæ, банывыл кодтой горæты къуымтæ. Дызæрдыккаг нæу, ацы мадзалы руаджы нæ републикæ æмæ Дзæуджыхъæу сыгъдæгдæр кæй кæны, уый. Не*сфæлдыстадон къорд дæр уымæн уыди абон æвдисæн. Нæ уацхæссæг Плиты Хетæг радзурдзæн бæлвырддæр. Сыгъдæг уым нæу, æмæ æфснайгæ кæм кæнынц, фæлæ чъизи кæм нæ кæнынц. Ацы хъуыды абон адæмы хсæн сног ис. Танччы фæз ссыгъдæг кæнынмæ рацыд республикæйы сæргълæууæг. Йемæ Хицауады уæнгтæ дæр. Битарты Вячеславы ныхæстæм гæсгæ, сыгъдæгдзинадмæ улдай цæст дарын хъæуы. Уый кæд фæндыдæр уыди. Йæхдæг дæр æй дæнцæгæй æвдисы. Республикæйы цæрджытæ иумæ бавнæлдтой горæты къуымтæ æфснайынмæ. Бæрнон кусджытæ, ведомствоты минæвæрттæ, ахуыргæндтæ, студенттæ сæ бæрны цы фæзтæ ис, уыдон нывыл кодтой. Доны станцæмæ хæстæг бынатмæ абон базылдысты Администрацийы кусджытæ. Бæлæстæ чъырæй цагътой. Уый канд сыгъдæгдзинады фæдыл нæ, фæлæ ма зайæгойты падайæн дæр. Ныр сын тæсаг нал уыдзæн бындзытæй. Куыд фæндыйы цæстæй чи нæ кæсы, уыдон ацы хъуыддагæн уæлдай аргъ кæнынц. Семæ абон æрбакодтой сæ кæстæрты дæр. Ацы бон Дзæуджыхъæу сыгъдæг кæнынмæ рацыдысты 4 мин адæймагæй фылдæр. Снысан кодтой Уæлахизы фæзмæ бæстонæй базилын. Фæлæ канд Дзæуджыхъæуы уынгтæм нæ рацыдысты адæм. Снывыл кодтой улæфæн бынæттæ, сахуырстой горæты хидты бырутæ æмæ фæзты æрбадæнтæ. Æфснайынмæ балæууыдысты районты дæр. Æдыппæтæй Цæгат Ирыстоны радон зиумæ рацыдысты 15 мин адæймагæй фылдæр. Республикæйы сæргълæууæг ма иу хам загъта - Ахæм сыгъдæгдзинады мадзæлттæ аразын хъæуы арæхдæр. Расидт, цæмæй дзы ноджы фылдæрæй бацархайынмæ адæм разæнгард уой. Иннæ ахæм зиуы та цæгатирыстойнæгтæ рацæудзысты 29 июны. Плиты Хетæг _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv