Кентау қаласында емхана және жедел жәрдем станциясы салынып жатыр

Түркістан облысының Кентау қаласында 500 орындық емхана салынып жатыр. Медициналық мекеме 3 бөліктен тұрады. Оның бірі - шұғыл медициналық жедел жәрдем стансасы болады. Қазір құрылыс алаңында 80 жұмысшы мен 6 бірлік теника жұмыс істеп жатыр. Олар бүгінге дейін жалпы құрылыстың 40 пайызын аяқтап, биылғы жылға бөлінген 619 млн теңгенің 260 млн теңгесін игерген. Құрылыстың жалпы құны 1,5 млрд теңге. Емхана келер жылдың желтоқсан айында пайдалануға беріледі.