Адам қатынамайтын шалғай ауылда бір қария жападан жалғыз күн кешіп жатыр

Ақтөбенің қоғамдық көлік жүрмейтін, адам қатынамайтын шалғай ауылында бір қария жападан жалғыз күн кешіп жатыр. Жетпіс жастағы Антонина Зайцева Мәртөк ауданы Жуса ауылында он жылдан бері жалғыз тұрады. Ауылда дүкен де, емхана да жоқ. Жұртта қалғандай өз бетінше күн кешіп жатқан қария азық алу үшін үш шақырым жердегі ауылға жаяу қатынайды.