Россияга қарши янги санкциялар эҳтимоли Марказий Осиё учун нима дегани?

Президент Дональд Трампнинг қаршилигига қарамай, АҚШ Конгресси Россияга янги санкциялар киритиш масаласини ёқлаб, овоз берди. Россия томонига кўра, АҚШ Конгрессидаги овоз беришлар икки давлат ўртасидаги “муносабатларни нормаллаштириш” эҳтимолини чиппакка чиқариши мумкин. Имзо чекиши учун президент Дональд Трампга юборилмасдан аввал янги санкцияларга оид ҳужжат лойиҳаси АҚШ Сенати тасдиғидан ҳам ўтиши шарт кўрилади. Сўнгги янгилик манзарасида Оқ Уйнинг расман билдиришича, ҳозир бу ҳужжат лойиҳасини кўриб чиқишмоқда ва жорий паллада унга президент Трампнинг вето қўйиш-қўймаслиги номаълум. Минтақавий таҳлилчиларга кўра, Ғарбнинг устма-уст санкциялари оқибатида Россия иқтисоди орқага кетишининг таъсири Марказий Осиё учун узоқ муддатли бўлади. Аммо, геосиёсий нуқтаи назардан, минтақа давлатлари бундан фақат "ютади". Сиёсий таҳлилчи Камолиддин Раббимов баҳосида - назардан қочирманг. Би-би-си Ўзбек хизматининг видеоларини www.bbcuzbek.com да ҳам кўришингиз мумкин.