Ўш: 33 ёшдаги аёл тўрт йилда олти фарзандли бўлди HD

Янги президентнинг номи туғилган уч эгизакнинг бирига қўйилади. Сайлов арафасида туғилган ўғилларнинг бирини ота-онаси давлат рахбари бўлишини исташади. Сабаби эгизак Қорақулжалик оиланинг биринчи ўғиллари. Энг каттаси ва ундан кейинги эгизлари ҳам қиз бўлган. Қорақулжа районининг турғуни Гулбайра Конутаева эгиз қизларидан кейин уч эгизакли бўлди. Унинг бунгача уч нафар қизи бўлса, энди уч ўғиллик бўлди. Гулбайра хоним ўғилларини ой кунига етмасдан, етти ойлигида жарроҳлик йўли билан дунёга келтирди. Ҳозирда чақалоқларга исм қўйилмади. Аммо бунгача ўғилларнинг бирига бирига янги президент ким бўлса, ўша инсоннинг исмини қўйишни режалаштиришган. Ўш областининг оналик ва болаликни муҳофаза қилиш бўйича координатори Замирбек Шакировнинг сўзларига кўра, уч эгизаклар 7-октябр куни Ўш област туғруқхонасида дунёга келган. Улардан бири 1 кг 960 гр, иккинчиси 2 кг 200 гр, учинчиси эса 2 кг 175 гр вазнда туғилган. Айни дамда уч нафар эгизак билан онанинг аҳволи яхши. Гўдаклар жарроҳлик йўли билан туғилгани учун яна 5-6 кун шифокорлар назоратида бўлади. 33 ёшдаги Гулбайра Конутаеванинг энг катта қизи Алмира тўрт ёшда. Ундан кейинги эгизаклари -Жазайим билан Нурайим 2,5 ёшга тўлишган. Таъкидлаб ўтсак, ўтган йили Ўш област туғруқхонасида уч эгизак туғилмагани билан 100га яқин эгизак туғилган. Жорий йилнинг тўққиз ойида 88 эгизак дунёга келиб, уч эгизаклардан бир ҳолат қайд этилди.