Uzbek Насриддин Хўжаев: Плагиатлик ҳам эви биланда HD

Ўзбекистонда яратилаëтган қўшиқларнинг Туркия¸ Эрон ва Озорбайжон санъаткорларидан ўғирланаëтгани ҳақидаги иддаолар урчиган пайтда клип ғоясини хориж мобил ширкати рекламасидан ўмарган киночи ҳақида гап-сўз чиқди. Ўзбекистонда Умидахон номи билан танилган ëш ашулачи ижросидаги "Кел, ярашайлик" қўшиғи клип тарзида суратга олиниб тақдим қилинди. Тақдимотда клип ғояси ва матни Элдор деган "ижодкор"га тегишли эканлиги алоҳида таъкидланади. Клипни Сарвар Каримов режиссёр сифатида суратга олган¸ мусиқани эса Жасур Бадалбоев басталаган. Умидахон ижросидаги бу клип севишган икки ëшнинг аразлашгани ва ярашгани ҳақида. Лев Толстойнинг "Уруш ва тинчлик" романидаги ғоя. Бу клип ўзига менгзар бошқа ўнлаб клиплар сингари бир икки айлантирилгач унутилиши мумкин эди. Аммо айни клип ғоясининг Vodafone телефон ширкати рекламасидан ўғирлангани борасида иддаолар ўртага чиқди. Бу иддаога кўра¸ клип ғояси Элдорга эмас балки vodafone телефон ширкатига тегишлидир.Бу асарларнинг бир-бирига эгиз қўзидай ўхшагани кўриниб турган бўлса ҳам хулоса чиқаришга шошмадик. Бу иккала клипни таниқли блоггер Насриддин Хўжаев эътиборига ҳавола қилдик. Насриддин Хўжаевнинг бу борадаги фикри узил кесил бўлди. - Ғирт копияку бу. Плагиатлик ҳам эви биланда¸- деди Насриддин Ҳўжаев Озодлик билан суҳбатда.