Бақытжан Сағынтаев аязды күні қызметкерлерді жұмыстан ертерек босатуды тапсырды

Үкімет басшысы Бақытжан Сағынтаев аязды күні қызметкерлерді жұмыстан ертерек босатуды тапсырды. Қытымыр аязға алаңдаған премьер тіпті бүгінгі отырысты ауа-райынан бастап, облыс әкімдері мен министрлерге жұрт жаурап қалмасын деген тапсырма берді. Құтқару қызметі жұмысын күшейтіп, тас жолдардағы қозғалыс қатаң бақылауға алынуы тиіс.