Олий ҳарбий судда МХХ собиқ полковниги Тўрақулов иши бўйича янги маҳкама бошланди HD

5 сентябрь куни Ўзбекистон Олий ҳарбий суди ДХХ Тергов бошқармаси тергов бўлимининг собиқ бошлиғи, полковник Нодир Тўрақулов ишини кассация тартибида кўришни бошлади. Мазкур иш Тўрақуловдан жабрланганлардан бирининг шикоят аризасига кўра қўзғатилган. Ушбу судлов Тўрақулов билан боғлиқ Озодликка маълум учинчи маҳкамадир. Тўрақуловга очилган илк маҳкама ўтган йилнинг 25 октябрида якунланиб, ДХХ собиқ полковниги 14 та модда бўйича айбдор деб топилган ва 16 йилга озодликдан маҳрум қилинган. Кейинчалик Тўрақулов устидан яна 10га яқин модда бўйича янгидан жиноят иши қўзғатилди. Ҳозирда маҳкама давом этмоқда.