Мамлекеттик кызматкерлер жогорулатылган айлыктарын ала башташты

Мамлекеттик жана муниципалдык кызматкерлер жогорулатылган маяналарын ала башташты. Бул ирет айлыгы көбөйгөндөрдүн катарын министрликтерде, жергиликтүү мамлекеттик администрацияларда, мамлекеттик органдардын аймактык бөлүмдөрүндө, райондук маанидеги шаар мэрияларында, айыл өкмөттөрдө иштегендер түздү. Айлык акыны көтөрүүнүн негизги максаты - иштин натыйжалуулугун жана сапатын жогорулатуу, кесипкөй адистерди тартуу болуп саналат.