Барскоондогу төрөт үйүндө жарыкка келген ымыркай чарчап калган HD

Жети-Өгүздүн Барскоон айылындагы төрөт үйүндө жаңы төрөлгөн ымыркай чарчап калды. Аталган төрөт үйдүн имараты муздак, деп билдирди акушер-гинеколог Бактыгүл Иманкожоева. Дарыгердин айтымында, ал бул мекемеде бир топ жылдан бери эмгектенип келет. «Барскоон калкынын саны боюнча чоң айыл. Мурда биздин төрөтканага келип төрөгөн аялдардын саны арбын эле. Кийин көңүл бөлүнбөй. кышкысын жылуулук жетиштүү деңгээлде берилбей келгени дарыгерлердин катарында мени түйшөлтүп келет. Бул маселе боюнча райондук аймактык ооруканасынын башчысына эки ирет кат аркылуу кайрылып, тийиштүү жооп алган жокмун. Мындан улам кышкысын төрөт кабыл албай калгандай абалга келген. 2018-жылдын 8-ноябрында Барскоон айылынын 1977-жылы туулган тургуну А.Ш. бешинчи баласын төрөө үчүн кайрылган. Ал күнү мени үйдөн алып келишти. Ал келин төрөгөнгө даяр болуп калыптыр. Ошондо төрөттү кабыл албай койгонго болбойт эле, районго жетпей калмак. Салмагы 2,4 кг наристе төрөлүп, ошондо бөлмөдөгү температура +6 болгондуктан бала үшүп калды. Биз баланы энесинин көкүрөгүнө жаткырып, колдон келген аракетти кылдык. Бирок муздак болгондуктан мен райондук оорукананын башчысынын орун басарына кайрылып, эне-баланы тез жардам унаасына салып жөнөттүк. https://www.turmush.kg/news:359060