25 йилдан кейин Тожикистонда Ўзбекистон маданият кунлари бошланди

Тожикистон мустақиллик йилларида илк бор Ўзбекистон маданияти вакилларига мезбонлик қилмоқда. Халқ артистлари Ғуломжон Ёқубов, Маҳмуд Намозов ва хонанда Севинч Мўминова Ўзбекистон маданияти кунларида қатнашишади. Юлдуз Усмонова ҳам Тожикистоннинг йирик шаҳарларида концерт бериши режаланган. Шўролар давридан қолган Маданият кунлари ҳар икки давлатда ўтган 25 йил ичида бирор марта ўтказилмаганди. Ислом Каримов ўлимидан кейин Тошкент ва Душанбе ўртасидаги муносабатлар илиб бормоқда. Би-би-си Ўзбек хизматининг видеоларини www.bbcuzbek.com да ҳам кўришингиз мумкин.