Ирыстоны райдыдта Уациллайы бæрæгбон

Абон республикæйы кæмтты цæрджытæ бæрæг кæныц Тбау Уациллайы бæрæгбон. Фыдбылыз сафæг,амонд æмæ бæркаддæттæг. Уацилла ирон зæдты æмæ бардуæгты `хсæн сæрмагонд бынат ахсы. Уациллайыл сæхи фæдзæхстой ирон адæмы фыдæлтæ – Алантæ. Цæгат Кавказы хæхты дæлвæзты куы цардысты, уæд райдыдтой зæххы куыст æмæ табу кодтой Уациллайæн. У стыр бархъомысджын, хорарæх æмæ фосарæхы бардуаг. Цæмæй уыгæрдæнты æмæ сæрвæтты хорз, сойджын кæрдæг æрзайа, уый тыххæй дæр адæм Уацилламæ кувынц. Хус рæстæг куы скæны, кæнæ бирæ куы фæуары, уæддæр ирон адæм Уациллайæн лæгъстæ кæнынц.Куыд сæмбæлдысты Джызæлы цæрджытæ ацы бæрæгбоныл? Цавæр хæрзтæ дзы курынц ацы комы цæрджытæ та? Уый базыдта нæ уацхæссæг Къуымæллæгкаты Фатимæ. Уæдæ ма йын йæ æрмæгмæ бакæсут. Уацилла ирон зæдты, ирон бардуæгты `хсæн сæрмагонд бынат ахсы. Тыллæджы хоры, зæххыл адæймаджы хорздзинадæн цыдæриддæр зайы, уыдоныл аудæг бардуаг у Уацилла. Абон йæ номыл Ирыстоны бирæ хъæуты сарæзтой куывд. Егъау бæрæгбон сарæзтой Горæтгæроны районы цæрджытæ дæр. Уæллаг Санибайы Уациллайы кувæндоны æрæмбырд сты Джызæл æмæ Санибайы цæрджытæ. Рагæй æрæгмæ дæр куывд сарæзтой фысымтæ. Уыдон иу бæрæгбонмæ цæттæгæнæн мадзæлттæ сæхимæ райстой. Уымæй уæлдай ма иу бæрæгбоны агъоммæ фысымтæ дардтой ком. Ацы бæрæгбонæн стыр кад ис адæмы хсæн уый дызæрдыккаг нæу. Уымæн æвдисæн у кувæндонмæ цы адæм сæмбырд ис уыдоны нымæцмæ гæсгæ дæр. Æнæхъææн бинонтæй цыдысты сæхи Дзуарыл бафæдзæсынмæ. Бæрæгбон аххæсдзæн иу къуыри. Бæрæгбоны къуыри адæм Дзуармæ кувдзысты. Йæ номыл кæндзысты æртыгай чъиритæ æмæ кусарттæгтæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv